Impasiguro ti Department of Education (DepEd) nga agar-aramid dan kadagiti addang tapno papigsaen pay ti literacy program ditoy Pilipinas.
Kasaruno daitoy ti resulta ti 2024 Functional Literacy Education and Mass Media Survey a nagkuna nga 79% kadagiti senior high school graduates ditoy pagilian ti functional literate bayat nga 21 percent ti awan comprehension na ken di na paylang ammo agbasa.
Kinuna ti DepEd a paingeten da pay dagiti interventions — manipud ti remedial ken literacy programs agingga ti mas epektibo a panangusar ti datos ti tunggal pagadalan.
Pinauneg payen ti DepEd iti teaching ken assessment method nga imbes a memorization, masurwan payen dagiti estudyante tapno agbali a critical thinker ken makasabay kadagiti 21st century skills.
