BR LA UNION – Impamatmat ti Philippine Air Force (PAF) iti Combat Search and Rescue (CSAR) capabilities na iti sidong ti Balikatan Exercises 2025.
Ditoy a nangisayangka iti air force personnel ti realistic operations a simmentro iti panang-rescue dagiti crew ti maysa nga aircraft a nagsuwek iti kabaybayan a sakop iti kalaban.
Nagusar dagiti air force personnel iti Bell 205A ken Super Huey helicopter tapno mangisayangkat ti helocast insertions ken hoist extraction ket natalged a naisalbar dagiti crew manipud iti teritoryo ti kalaban, iti tulong ti aerial security.
Iti biang ti US, nagusar da ti US C-130J tapno makapag-deploy ti medical ken survival kit a mausar dagiti rescuers para kadagiti nasugatan nga aircrew.
Indeploy met ti United States Marine Corps iti V-22 Osprey tapno mangisayangkat ti kapada a misyon.
Segun iti AFP, dagiti complex drill a naisayangkat iti sidong ti Combat Search and Rescue (CSAR) exercise ket mausar tapno mapasayaat pay iti panagsagana ti pagilian iti life-saving mission kadagiti lugar nga adda nangato a pangta wenno problema iti seguridad.
Nagserbi a kangrunaan a venue ditoy iti kabaybayan ken igid ti kabaybayan a sakop ti Iba, Zambales.
