Impaganetget ni Senator Sherwin Gatchalian a kritikal wenno napateg ti akem ti agbalin a Senate President ita a Kongreso agsipud ta nasken a kabaelan na nga imaton ti nakatuding nga impeachment trial ni Vice President Sara Duterte.
Segun kenni Gatchalian, ti set-up ti impeachment court ket naidumduma nu maidasig ti session nga isuda ket mangipaspasa ti linteg.
Kinuna ti Senador a nasken nga idauloan ti Senate President ti mpeachment court kas presiding officer dagiti 23 senator judges.
Rumbeng pay kunana a ti agbalin a Presidente ti Senado ket kabisado iti rules of court, nu innayon na nga awan pay met ti napagsaritaan da mainaig ti Senate Presidency.
Malaksid kenni senator-elect Tito Sotto a nangipeksa ti panggep na nga agbalin kas Senate President apaman makagun-od ti umdas a botos, sumagmamano pay kadagiti senior senators ti pagpilpilian kas isuda Senator Jinggoy Estrada, Loren Legarda, Migz Zubiri ken uray ni Gatchalian.
