Sinirip dagiti opisyales ti Philippine Embassy idiay Cambodia ti kasasaad dagiti Filipino factory workers idiay Phnom Penh.
Sinangaili met dagiti Filipino supervisors iti grupo ni Ambassador Flerida Ann Camille Mayo kabayatan ti panagsarungkar na iti garment factory.
Ti addang ti embahada ket panagkumusta ti kasasaad kadagiti nasao a factory workers nga itan ket 50% percent kadagiti Pilipino adda iti garment ken footwear manufacturing sector idiay Cambodia.
Sumagmamano kadagitoy ket adda iti supervisory positions para ti quality control, pattern making, ken product development.
Kaaduan kadagiti garments nga aramid ti Filipino workers ket dagiti international sports brands ken bags nga mai-export met idiay Estados Unidos Europa, ken Japan.
