Imbutaktak ni Philippine National Police (PNP) chief General Nicolas Torre III nga iggemen ti tracker team da ti impormasyon ti pagduldulinan ti sigud a Bureau of Corrections (BuCor) chief Gerald Bantag.
Segun iti PNP chief, agur-uray da laengen ti umiso a tiempo tapno mangarestar iti naikkat a BuCor Chief.
Nabayagen nga agduldulin ni Bantag kalpasan iti alegasyon kenkuana kas mastermind ti pammapatay iti radio broadcaster a ni Percy Lapid idiay Las Piñas City nga asideg ti balay na idi Oktubre 3, 2022. Pagaammo ni Lapid a nainget a kritiko ni Bantag.
Iti agdama ket adda iti naipaulog a warrant of arrest kenni Bantag gapo iti panagbilin na a pammapatay kenni Cristito Villamor Palaña a nagserbi kas middleman iti assassination kenni Lapid.
