”Wala akong bilib!”
Dayta ti direkta a sungbat ni sigud a presidential spokesperson Salvador Panelo sa Duterte Youth Partylist kasaruno ti interview kenkuana ken impeksa na pay ti panagsuporta iti Commission on Elections (COMELEC) mainaig ti panagkanselar ti rehistrasyon ti partido.
Innayon pay ni Panelo nga us-usaren laeng ti grupo ti nagan ni sigud a Presidente Rodrigo Duterte ken kinunana pay a puro saan a nasayaat ti records dagiti miembro da.
Binabalaw na iti kontrobersyal a pakasaritaan ti Duterte Youth, nanagruna kadagiti “questionable nominations,” ken kadagiti panaglabsing da ti linteg pakairamanan dagiti saan nga agpapada a nominado da kas maysa a mangibagi dagiti agtutubo.
Kinunana a pumabor isuna a maikkat iti partido a mangpaspasagid met kenni Ronald Cardema nga isu ti first nominee da a nadiskwalipikar gapo iti sobra a tawenna kas youth representative. Saan metten a naklaat ti sigud a pannakangiwat ti presidente kadagiti reklamo a sangsangwen iti partido agsipud ta adda met dagiti umdas a basaran tapno isuda ket madiskwalipika.
Maipalagip a tinagiawan-bileg ti COMELEC ti registration ti Duterte Youth Party-list kalpasan ti pannakaresolbar ti kaso idi tawen 2019 mainaig ti panagbalin nga opisyal a party-list group.
