Agpuonan a nalaing iti gobierno tapno aramiden a katalgedan a pagilian ti Pilipinas ti intero a lubong.
Segun kenni Department of the Interior and Local Government (DILG) Secretary Jonvic Remulla, marugian daitoy a maaramid kadagiti sumaganad a tawen ken karaman kadagiti addang a maipatungpal ket ti panangpapigsa ti 911 emergency call system a manamnama nga agbalin a fully operational idiay Metro Manila, Cebu ken Davao inton Hulyo.
Plano pay ti gobierno a mangikabil ti maysa a closed-circuit television camera (CCTV) kada 1K square meters ti intero a Pilipinas kasta met a iti panaggatang kadagiti ad-adu pay a patrol vehicles para kadagiti police officers a mangsungbat iti 5-minute response time target ti Philippine National Police (PNP).
Immunan a naipadamag ti panangidaulo ti Pilipinas ti listaan dagiti “least safe country” segun iti HelloSafe Safety Index 2025 ti HelloSafe website, nupay kamaudiananna ket inikkat da metlaeng ti pagilian iti nasao a listaan.
Insigida a pinalagan ti Department of Tourism (DOT) ti pannakairaman ti pagilian kasta met a kinondenar pay dagiti dadduma a tourism industry groups ken hotel operators iti website a segun kenni Tourism Sec. Christina Frasco ket makaapektar kadagiti gangganaeta a turista a panggep a bumisita iti Pilipinas.
