Inarestar ti Bureau of Immigration (BI) ti maysa a Chinese a nagpammarang kas Pilipino idiay Daet, Camarines Norte.
Tiniliw ti nagtipon a kameng ti intelligence cooperatives, Armed Forces of the Philippines (AFP), ken Presidential Anti Organized Crime Commission (PAOCC) ti Chinese national a ni Wu Zhishi.
Ti pannakaarestar ken maiyannurot ti direktiba ni Presidente Ferdinand R. Marcos Jr. nga ipasiguro a sumursurot ti linteg dagiti gangganaet nga agnanaed ditoy Pilipinas. Nammoan pay a nakagun-od iti government-issued documents ti Chinese a peke nga Pilipino, ken nangaramat kadagiti IDs tapno makaala ti lisensya ti paltog.
Adda itan iti kustoditya ti Immigration ti chinese kabayatan nga ur-urayen na ti deportation proceedings gapo iti panaglabsing ti Immigration laws.
Gapo iti insidente ket madanagan ita ni BI Commissioner Joel Anthony Viado ti panagsaknap ti kastoy a modus dagiti illegal aliens a nadagsen a pangta ti seguridad ti pagilian.
