Tarigagay a mapalibre ti babayadan ti kuryente ti maysa a neophyte senator dagiti Pilipino nga agkonkonsumo ti saan a lumagpas ti 135kwh.
Ti singasing a gakat ket impila ni Senator Rodante Marcoleta tapno paamyendaran ti Electric Power Industry Reform Act (EPIRA) nu kasta ket mapalawa pay ti implementasyon ti lifeline rate ken maipaayan ti nam-ay dagiti low-income household a marigrigatan a mangbayad ti nangato a singir ti kuryene ditoy Pilipinas.
Manipud iti outnumbered bill ti Senador, ti sidug 100kwh ket maipangaton ti limit na ti saan a sumurok ti 135kwh a malibre ti babayadan ti kuryente wenno maipasidong ti full subsidy ti gobierno.
Nupay kasta, addaan met ti agdama a discount bracket nga ipatpatungpal ti Meralco a ti 100% a libre ti kuryente ket para laeng kadagiti agkonsumo ti 20kwh wenno katupag ti P300 a babayadan ti electricity bill a binulan.
Pakaibatugan laeng daitoy ti panangpasilaw ti maysa a bumbilya, electric fan, ken, bassit a radyo. Impaganetget ti senador a ti agdama a lifeline rate ket nababa unay ken saan a pagsarmingan ti realidad a sangsangwen dagiti marigrigat a pamilya.
