Maisa nga Australyano a lalaki nga agtawen ti 50 iti natay kalpasan a makagat ti panniki nga addaan ti Australian bat lyssavirus (ABLV) — maisa a naidumduma a rabies-like virus, segun iti report dagiti opisyal idiay New South Wales (NSW).
Dagos a nagbalin a kritikal iti kondisyon ti lalaki sakbay a pimmusay.
Kinumpirar ti NSW Health nga awan pay ti epektibo nga agas kontra iti nasao a virus nga immunan a natakwatan idi 1996. Adda laeng ti tallo a kumpirmado a kaso iti naireport ken agpapada a natay.
Naamwan nga iti ABLV ket maipaspasa no iti katay ti panniki ket simrek iti bagi ti tao babaen ti kagat wenno garungyad. Mabalin nga agpakita ti sintomas kalpasan dagiti sumagmamano nga aldaw kas iti panaggurigor, panagsakit ti ulo, ken panagkapsot agingana agtennag iti paralysis, delirium, kombulsyon, ken panakatay.
Binalakadan ti NSW Health iti publiko a liklikan nga iggaman wenno asekgan dagiti panniki agsipudta posible nga aniaman a paniki idiay Australia ket addaan ti ABLV.
Innayon da pay, no makagat wenno makaramot ti panniki ket dagos a bugwan iti sugat iti uneg ti 15 a segundo babaen ti sabon ken danom, ken agaramat ti antiseptic. Malaksid iti daytoy ket kasapulan met nga agpaagas babaen ti rabies immunoglobulin ken rabies vaccine.
