Mamati ni Mamamayang Liberal (ML) party-list Representative Leila de Lima nga awan ti witch hunt iti impeachment complaint kontra kenni Bise Presidente Sara Duterte agsipudta addaan daytoy ti basaran.
Iti nasao a waragawag ni De Lima ket kalpasan nga imbaga ni Senador Migz Zubiri nga iti panang-impeach ti Kamara de Representantes kenni Bise Presidente Duterte ket maisa a witch hunt gapo ta kayat dagiti sumagmamano nga indibidwal nga ikkaten isuna iti posisyon tapno makatakem iti Vice Presidential post, wenno maikkat iti kalaban para iti 2028 presidential race, banag a kinontra ni De Lima.
Inlawlawag na nga adda ti basaran iti reklamo isu ta inimpeach ti Kamara iti Bise Presidente ken no awan ket saan kuma daytoyen a pinermaan dagiti nasurok 1/3 ti amin a miembro ti Kamara ken naipatulod iti Senado iti articles of impeachment.
Inkumpara met daytoy ni De Lima iti kasona idi napilaan isuna ti kaso, a segun kenkuana ket maysa laeng a parparbo gapo laeng iti panangkontra na iti kampanya kontra ilegal a droga ni sigud a Presidente Rodrigo Duterte.
Isu ta maibaga na nga isuna iti nagbalin a subject ti witch hunt idi napalabas nga administrasyon ken saan ketdi a ni Bise Presidente Sara.
Iti witch-hunt ket awanan ti basaran nga addaan panggep a mangharass ken mang-persecute, banag a saan nga applicable iti impeachment trial ni Duterte.
Mainaig iti daytoy ket mangnamnama ni De Lima a liklikan dagiti opisyal a mangipaay iti kapada a komento a mangipakpakita ti personal biases seknan iti isyu ti impeachment.#
