Tarigagay ita ti Department of Migrant Workwers (DMW) a makataripnong dagiti naisalakan a tripulante ti napalned a barko dagiti Griyego nga Eternity C.
Segun kenni DMW Secretary Hans Leo Cacdac, daitoy ket tapno ammuen ti detalye ti panagraut dagiti rebelde nga Houthi iti barko da.
Kinunana a ti kapintasan a maaramid iti agdama ket kasarita dagiti lima a na-rescue tapno maammoan nu kasatno iti panangraut kadakuada dagiti rebelde, kasatno a limned ti barko, ken nu kasatno da a nakalasat.
Adda itan ti natalged a lugar dagiti lima a traipulante ngem nagkedked metten ti ahensya a dakamaten ti ekstakto a loaksyon da para iti seguridad.
