Nangiruar ti kabaroan a nakaam-ames a rebelasyon iti whistleblower ken masya kadagiti suspek ti kaso dagiti missing sabungeros a ni Julie Patidongan alias Totoy.
Imbutaktak ni Totoy a nakidnap dagiti mammallot ken pinapatay ida ti masya nga slaughterhouse asideg ti maysa a fishpond idiay Laurel, Batangas.
Innayon na a dagiti dadduma a biktima a karaman ti game fixing ket naibelleng idiay Taal Lake. Dinakamat na pay a dagiti dadduma a bangkay ket adda ti nakatali a sandbag tapno saan a tumpaw ken agtalinaed iti uneg ti danom.
Inbinglay na pay ti sistema ti panag-kidnap kadagiti biktima ken iti sumaruno nga aldaw ket alaenen dagiti supek ti bayad a kagudwa a milyon a pisos. Innayon na pay a pinatay da amin nga uray ubbing ken masikog.
Kabayatanna, positibo met a dinakamat ni Patidongan nga addan dagiti pulis a karaman ti kaso a kayat dan iti agsao ken makitinnulong kadagiti maseknan.
Maysa kadagitoy ket ti alias “Vito” nga inladawan na kas maysa a lieutenant colonel nga nagserbi kas team leader dagiti suspek. Mabaybayadan ni Vito ti binulan nga aganay P2M para iti nagbalin nga akem na iti krimen.
