Inwaragawag ti Bureau of Customs a saan da a baybay-an a maabuso ti pribilehiyo dagiti Balikbayan Boxes kasaruno ti naharang nga aganay ₱749M a gatad ti shabu ti maysa a shipment dagiti nasao a kahon idiay Manila International Container Port .
Natakuatan ti kontrabando kasaruno iti naisayangkat a 100% inspection iti 40-foot container ken naipablaak kadagiti kameng ti Customs ti nasurok 100kg ti ilegal a droga a nakalemmeng kadagiti uppat a balikbayan boxes.
Segun kenni Customs Commissioner Ariel Nepomuceno, saan da nga umanamong a maus-usar dagiti pribilehiyo ti Balikbayan privileges kadagiti ilegal nga aktibidad. Impunto na a mairamraman a madadael ti talek dagiti Overseas Filipino Workers gapo iti aramid dagiti kriminal.
Nakatuding a maiturn-over dagiti nakumpiskar a droga iti Philippine Drug Enforcement Agency para iti panagkaso ken umiso a disposisyon.
