Nagpanawagan iti People for the Ethical Treatment of Animals Asia wenno PETA kadagiti pet owners a saan a basta nga ibati lattan dagiti alaga da nga ayup tunggal agbakwit gapo kadagiti didigra.
Impaganetget iti grupo nasken a karaman iti disaster preparedness ti tunggal pamilya dagiti alaga da nga ayup.
Kinunada a ti kanito a kasapulan iti agbakwit ket rumbeng a karaman dagiti laga nga ayup a maiturong kadagiti evacuation areas.
Innayon da nga awan met iti laban dagiti ayup iti panaglayus ken kadagiti agtinnag a debris kas kadagiti insidente ti panagreggaay iti daga.
Namaymayat pay kunada nu dagitoy ket saan a maitali tapno napartak da a makataray ken masalakniban ti bagbagi da kontra dagiti nagduduma a pangta.
Malakid daitoy ket pinaregta pay ti grupo iti publiko nga agbalin a vigilante ken maasyan kadagiti walang nga ayup nga inabandona iti komunidad.
