Inwaragawag ni Bise Presidente Sara Duterte a saan nga agbuya isuna iti maikauppat a State of the Nation Address (SONA) ni Presidente Ferdinand Marcos Junior.
Innayon na a mair-irita isuna nu mabuybuya na iti panagsao ti Presidente ken arig na kayat nan a bittaken ti screen ti cellphone na.
Nu ketdi ket basaen na lattan iti nilaon wenno konteksto ti panagbetla ni President Marcos tapno maamwan na nu anya manen dagiti panangallilaw iti ibaga na kadagiti Pilipino.
Binabalaw pay ni VP Sara dagiti nakapila a flood control projects ti agdama nga administrasyon kalpasan a kinuna ti Presidente a ti sitwasyon tunggal adda iti bagyo ket maibilangen kas ‘new normal’.
