Impannakkel ni Presidente Ferdinand Marcos Junior iti maikauppat a State of the Nation Address na nga awanen iti nabatbati pay a puersa guerilla ditoy Pilipinas.
Mainaig iti dayta ket kinuna iti Presidente a siguraduen ti gobierno nga awanen iti mabukel pay a rebelde a grupo.
Daitoy ket agsipud ta nagkakadwan dagiti kameng ti Armed Forces of the Philippines, Philippine National Police, ken dagiti sigud a rebelde a mangpatalined iti pagsyaatan ken kinakapia idiay Bangsamoro Autonomous Region in Muslim Mindanao.
Maysa pay nga impannakkel ni Presidente Marcos ket ti administrasyon na nga ad-adda a nakapia, ad-adda a manangipateg iti karbengan pangtao aniaman ti tawen, puli, kondisyon, wenno grupo.
