Nagpakdaar ti Civil Aviation Authority of the Philippines (CAAP) para ti posible a panagsuwek dagiti napeggad a debris manipud iti impatayaba a rocket ti China.
Sakbayna ket immuna metten nga imballaag ti Philippine Space Agency (PhilSA) nga impatayab ti China iti Long March 8A rocket da manipud Hainan Commenrcial Launch Site idiay Wenchang, Hainan idi aldaw ti Mierkules, Hulyo 30.
Epektibo a naiwaragawag ti notice to airmen (NOTAM) ti CAAP iti Agosto-4 manipud alas-6:14 agingga alas-6:42 ti malem.
Sakopen daitoy dagiti lugar a adda iti 40-nautical-miles (NM) ti Abagatan-a-daya ti Puerto Princesa Airport para ti surface level agingga iti unlimited altitude.
Binallaagan pay ti ahensiya dagiti airlines ken piloto a liklikan dagiti designated areas a posible a pagtinnagan dagiti rocket debris iti naituding nga aldaw ken oras. Iti drop zones ket manipud 120 NM ti Puerto Princesa, Palawan ken 42 NM met manipud Zamboanga City, Zamboanga Del Sur.
Maparegta met iti publiko nga apaman makakita kadagiti debris ti rocket a mabalin a naiyanod iti lugar da ket dagos nga ipakaammo kadagiti lokal nga otoridad kasta met a liklikan ti direct contact gapo kadagiti napeggad a kemikal a nagtaud kadagitoy.
