Inwaragawag ti Armed Forces of the Philippines (AFP) a mangisayangkat ti Philippine ken Indian Navy ti kaunaan a joint maritime drills idiay West Philippine Sea (WPS) inton sumaruno a lawas.
Kinuna ni AFP chief General Romeo Brawner Junior a ti maisayangkat a joint maritime cooperation activity ket nasursurok pay ngem ceremonial gesture agsipud ta ti presensiya ti Indian naval tanker nga INS Shakti idiay Maynila ket napigsa a senyales ti panagkaykaysa ken kinatibker ti relasyon dagiti dua a pagilian ditoy Indo-Pacific Region.
Para iti kasundaluhan, ti panagbisita ni ti Indian naval tanker ket marka ti defense diplomacy ken saan a “show of force,” kasaruno ti panangpawayway pay ti India kadagiti naval engagements da ditoy Southeast Asia.
Ti waragawag ni AFP Chief Brawner ket kasaruno ti nakatuding a panagbisita ni Presidente Ferdinand Marcos Jr. idiay India manipud inton Lunes, Agosto 4 agingga inton Biyernes, Agosto 8.
