Ibilbilang kas pammalagip ti Asia-Pacific member countries ti kallabes a magnitude 8.8 a ginggined idiay Kamchatka, Russia para importansya ti panagsagana.
Nilaon daitoy ti mensahe ti 21st APEC Emergency Preparedness Working Group meeting idiay Incheon, South Korea.
Impaganetget ni Vice Minister Kim Gwang-yong iti Korea a dagiti didigra ket saan a malmalpas isu a napateg iti panagtitinnulong dagiti APEC economies.
Inbinglay ti Korea dagiti kapadasan da kadagiti babagyo, panaglayus, ginggined, ken dadduma pay, kasta metten iti panangitandudo da kadagiti teknolohiya para iti nasapsapa a pakdaar kadagiti didigra ken iti disaster prediction.
Nadakamat iti nasao a panagtataripnong dagiti digital strategies, community leadership, ken multi-layered governance ken impunto dagiti eksperto ti akem ti satellite technology, Artificial Intelligence, ken resilient infrastructure para ti panang suporta kadagiti kounidad a masansan nga apektado.
Panggep ti Strategic Plan 2025–2027 nga aramiden a natibtibker dagiti sistema pang seguridad ken agtultuloy a papigsaen iti kooperasyon pang-rehiyon.
