Mangisayangkat iti nalawa a reporma ti Bureau of Customs (BOC) iti uneg ti ahensiya da kas panagtungpal iti direktiba ni Presidente Ferdinand R. Marcos Jr. tapno madalusan ti korapyon ken maisubli ti talek ti publiko.
Segun kenni Customs Commissioner Ariel Nepomuceno, ti nalawa a reporma ket nakapamaysa iti full automation, transparency, ken accountability. Panggep daitoy a pirmisen ti sistema ken pasardengen dagiti gundaway ken wagas tapno makaabuso.
Innayon ti opisyal a ti automation ti makitkita kas maysa a wagas a mangbaliw iti intero nga operasyon ti Customs manipud iti goods declaration ken risk management agingga cargo examination, panagbayad, ken panangiruar kadagiti kargamento.
Babaen iti otomatiko a sistema ket makissayanen dagiti personal a transaksyon ken mapapartak nan iti serbisyo kasta met a maliklikanen iti pannakatantan iti operasyon.
Immuna metten nga imbilin ni Nepomuceno iti temporario a suspensyon ti panag-issue ti Letter of Authority (LOA) para ti inspeksyon kadagiti bodega tapno masiguro a daitoy ket nainkalintegan.
Kabayatanna, maipariten kadagiti empleyado ti Customs iti agbalin a customs broker nu kasta ket maliklikan iti conflict of interest kabayatan iti pannakaipatungpal ti tallo tawen a bileg ti BOC accreditation para kadagiti importers ken exporters.
