Nag-walkout ni US President Donald Trump idiay Senado kalpasan nga akusaran ni U.S. Senate Minority Leader Chuck Schumer ti “political extortion” ken awagan a “GO TO HELL” iti maysa a na iti Truth Social.
Inawagan pay ni Trump nga “egregious and unprecedented” dagiti kiddaw ni Schumer a mangitantandudo iti pannaka-release ti pondo iti gobierno kasta met dagiti garantiya kontra kadagiti kanayunan a kissay iti federal funds.
Nagtaud daitoy kadagiti sumagmamano a katulagan pakairamanan iti pannakaaprobar ti nominasyon ni Trump ken kadagiti 60 appointees nga addaan iti bipartisan support. Karaman pay dita ket dagiti kiddaw manipud kadagiti Democrats kas iti panangikkat ti freeze ti National Institutes of Health (NIH) ken foreign aid funding.
Pinagkedkedan amin daitoy ni Trump ken inakusaranna ni Schumer ti panagkiddaw ti nasurok maysa a bilyon a dolyar kasukat ti bassit a nominasyon. Imbatad na a daitoy ket maysa a “political extortion,” a kunana ket nakababain para kadagiti kapartido na a Republicans apaman aprobaran da.
Kabayatanna, binabalaw met ni Schumer ni Trump iti nabiit a panangtallikud na iti katulagan ken kinuwestyon nu daitoy ket maysa a klase ti ”Art of the Deal”.
Kalpasan iti insidente, nagbotos ti Senado kadagiti pito a nominasyon sakbay a nag-adjourn para ti recess ken intantan ti nabatati pay a nominasyon agingga Setyembre, 2025.
