Impilan ni Senate President Francis “Chiz” Escudero ti singasing a gakat a mangiparparit para iti kabagian ti maysa nga opisyal ti gobierno nga agbalin a supplier wenno contractor dagiti proyekto gobierno.
Agtalek ni Escudero a ti impila na a Senate Bill No. 783 ket lalo pay a mangpatibker iti depensa ti pagilian kontra korapsyon ken mannibrong.
Sakop daitoy dagiti transaksyo nga adda pakainaigan na iti supply, imprastruktura, joint ventures, ken public-private partnerships, malaksid laengen kadagiti kontrata a maibilbilang kas highly technical, proprietary, wenno confidential.
Inlawlawag pay ni Escudero iti gakat a sakopen ti linya a “government official,” ket dagiti addaan mandato a mangaramid kadagiti polisiya ken mangimatmaton, mapa-career man wenno non-career service, agraman dagiti military ken uniformed personnel.
Ibilbilin met ti gakat ti Government Procurement Policy Board, Department of the Interior and Local Government (DILG), Public-Private Partnership Center, ken Governance Commission for GOCCs a mangaramid kadagiti polisiya ken allagaden da para ti implementasyon daitoy iti 60 nga aldaw manipud iti panagbalinna nga epektibo linteg.
Mangnamnama iti senate president a mairaman daitoy a singasing ti Common Legislative Agenda ti 20th Congress babaen ti Legislative-Executive Development Advisory Council wenno LEDAC.
