Nagpinnerma ti Bureau of Corrections (BuCor) ken University of the Philippines (UP) ti maysa a memorandum of understanding (MOU) para ti panangpa-usar ti tig-500 ektarya a daga manipud iti properties da.
Usaren ti BuCor ti nasao a paset ti UP idiay Laguna-Quezon Land Grant para ti maipasdek a Regional Prison Facility kasukat met iti panangusar ti UP iti daga ti BuCor idiay Iwahig, Puerto Princesa City.
Segun kenni BuCor Director General Gregorio Pio Catapang Junior, paset daitoy ti panagsagana para iti panagserra ti New Bilibid Prison inton 2028.
Malaksid iti MOU ket napermaan pay ti mays a memorandum of agreement (MOA) ti nagbaetan ti BuCor, UP Open University (UPOU), ken UP Alumni Association (UPAA) tapno makaipaay ti libre nga online education ken trainings kadagiti kameng ti BuCor ken Persons Deprived of Liberty (PDL).
