Inaklon ni Atty. Michael Poa, pannakangiwat ti kampo ni Bise Presidente Sara Duterte a saan da pay a naan-anay a maselebraran ti pannaka-archive ti impeachment iti biang ti Senado.
Segun kenni Poa, nakapamaysa da latta iti aniaman nga agbalin a direktiba ti Korte Suprema.
Maipalagip a nangipila ti motion for reconsideration ti Kamara de Representantes idiay Korte Suprema idi aldaw ti Lunes mainaig iti impeachment ti Bise Presidente ken agtalek ni Poa a napateg nga urayen da pay iti final ruling ti korte iti nasao a mosyon.
Nupay kasta, mamati da met a saanen a mabaliwan pay ti desisyon dagiti mahistrado agsipud ta natibker met dagiti argumento iti kampo da.
Sakbayna ket imbatad ni Senador Rodante Marcoleta nga awan pay iti napuotan na a unanimous decision ti Supreme Court En Banc a kamaudian ket binaliktad na metlaeng iti bukod da a desisyon.
