Inladawan ni Senador Alan Peter Cayetano a maibilbilangen a natay ti saritaan ti articles of impeachment kontra kenni Bise Presidente Sara Duterte kalpasan a pagbotosan iti mayorya idiay Senado nga i-archive wenno ipaigid laengen daitoy.
Mainaig paylaeng iti isyu ket imbatad ni Cayetano a mabalin pay met a mapabiag daitoy apaman nu baliktaden ti Korte Suprema iti immun-una na da a desisyon para ti panangideklara kas unconstitutional iti impeachment gapuanan iti panaglabsing na ti “one-year bar rule”.
Kabayatanna , inlawlawag met iti senador ti nagdumaan ti immun-una a mosyon ni Senate Minority Leader Tito Sotto nga i-lay on table ti articles of impeachment ;
Kinunana a ti panang-table ti motion to archive ket panangipaigid paylaeng iti saritaan ken kayat a satwen ket nabiag paylaeng iti impeachment ngem mailabsing laeng segun iti deklarasyon ti Korte Suprema.
Gapo iti daitoy ket innayon na a kasapulan pay iti agbalin manen a desisyon ti SC para ti motion for reconsideration nga impila ti Kamara agsipud ta immuna metten a pinasingkedan ti nakangatngato a korte nga “immediately executory” iti ruling.
