Inwaragawag ti Kremlin nga immanamongen ni Russian President Vladimir Putin a makitaripnong kenni U.S. President Donald Trump nupay awan pay iti eksakto a petsa ken lugar iti nasao a pannakitaripnong.
Segun kenni Putin adviser Yuri Ushakov, mangrugi iti panagsagana ken ipakaammo ti Kremlin dagiti detalye kadagiti sumaganad nga aldaw. Innayon na pay a nupay trilateral meeting iti mapasamak, kadwa ni Ukrainian President Volodymyr Zelenskyy ket impasiguro na a ti summit ket nakasentro laeng kenda Putin ken Trump.
Ti anunsyo ket kasaruno ti panagbisita ti White House special envoy a ni Steve Witkoff kenni Putin kas paset ti tarigagay da a magun-od ti kinakapia sakbay iti intuding a deadline ni Trump ita nga Agosto 8, a kinunana ket mangipaulog isuna ti nadagsen a pannusa kontra Russia nu saan da nga agtungpal.
Positibo met ni Trump a nagbalin a produktibo ti pannakiuman ni Witkoff iti Presidente ti Russia ken innayon nga immanamong pay dagiti European allies a gibusenen iti gyera ti nagbaetan da iti Ukraine.
