Nakaawat met iti ayuda ti Philippine National National K9 a ni “Kobe” kasaruno a mapagsaritaan online iti saan a nasayaat a kondisyon ti pammagbagi na idi nagresponde daitoy iti insidente ti panagbettak idiay Maynila.
Mismo a ni Ramon Tulfo iti bimmisita kadwa iti NAPOLCOM Commissioner a ni Rafael Calinisan ken EOD K9 Unit iti PNP. Panggep da a madakamat iti kasasaad iti aso a nagtrending gapo iti kinakuttong na.
Iti maysa a press conference idiay NAPOLCOM Building, impadamag ti Explosive Ordnance Division (EOD) ti maipanggep kadagiti K9 units da, pakairamanan ti salun-at ni Kobe, ti Belgian Malinois nga arig na ket nabaybay-an ken rumrumuaren dagiti paragpag na.
Kalpasan iti panawagan para iti nasaysayaat a panangalaga iti aso, nagdonar iti dog food da Tulfo ken Calinisan ken impaganetget iti kinapateg iti panagserbi ti nasao nga ayup iti publiko.
Impasiguro met ti PNP EOD a ni Kobe ket adda itan iti transition phase ken regular metten a bisbisitaen ti beterinaryo.
Agtalek met dagiti sumagmamano nga animal groups nga amin a taraken nga aso ti PNP ket agpapada a maikkan iti maiyannatop a tulong.
