Inlawlawag ni Presidente Ferdinand Marcos Junior nga awan ti pakainaigan ti panagbalin nga usto wenno saan dagiti akusasyon kontra kenni Bise Presidente Sara Duterte a nakapauneg iti impeachment complaint a sangsangwen na, segun iti nabiit pay a nagbalin a desisyon ti Korte Suprema.
Segun iti Presidente, procedural issues laeng ti nadakamat dinesisyonan ti Korte Suprema ken saan a ti nilaon ti reklamo. Awan pay ti nagbalin a panagdengngeng ken dagiti nilaon ti impeachment complaints ket saan met a napagdebatehan isu a saan pay a nadakamat iti accountability.
Impaganetget manen ni Presidente Marcos nga awan iti bibiang ti ehekutibo iti impeachment proceedings isu nga awan unay iti komento na seknan iti daitoy nga isyu.
Pagaammo a ti laeng Korte Suprema, Kamara, ken Senado ti adda akem na iti proseso ti impeachment.
Maipalagip nga impaganetget ti desisyon ti Korte Suprema a nalabsing ti reklamo iti probisyon ti Konstitusyon partikular iti one-year bar rule ken napaay a mangipaay iti due process iti respondent, rason tapno daitoy ket mawaswas.
Idi laeng iti aldaw ti Mierkules napagbotosan ti mayorya idiay Senado nga i-archive ti impeachment complaint kontra ti Bise Presidente Sara Duterte.
