Inaprobaranen ti Security Cabinet ti pagilian nga Israel ti plano ni Prime Minister Benjamin Netanyahu a naan-anay a sakopen ti Gaza City, segun metten ti warawagag ti ahensya na idi Biernes, Agosto 8, 2025.
Naaramid iti dessisyon laksid iti kumarkaro nga humanitarian crisis idiay Gaza ken pumigpigsa a panagkontra manipud iti publiko idiay uneg mismo iti Israel.
Segun iti report, inaprobaran ti sibubukel a gabinete iti plano ni Netanyahu, nupay awan metten iti opisyal a plano iti nairuar kasaruno iti panagtataripnong.
Malaksid daitoy ket inlatag pay ti Israel dagiti lima a kangrunaan a prinsipyo da tapno leppasen iti gyera idiay Gaza kas iti panangdis-arma kadagiti Hamas, panangisubli kadagiti amin a kautibo — nabiag wenno natay, naan-anay a panagsakop iti intero a Gaza, panangideploy ti kameng ti Israel security idiay sa Gaza, ken panangipadatag ti baro a gobierno-sibil a saanen nga imaton pay ti Hamas wenno otoridad ti Palestine.
