Dumanonen ti nasurok 9.7 milyon nga indibidwal wenno katupag ti 2.6 milyon a pamilya ti agdama nga apektado latta ti naglabas a Bagyong Crising, Dante, ken Emong, segun iti datos manipud National Disaster Risk Reduction and Management Council (NDRRMC).
Manipud iti daitoy a bilang ket 7,479 a pamilya wenno katupag ti 28,500 nga indibidwal dagiti agtaltalinaed latta kadagiti evacuation centers bayat a 11,957 a pamilya wenno nasurok-kumurang 40,597 nga indibidwal iti maserserbian ti tulong nga awan kadagiti uneg ti evacuation centers.
Agtaltalinaed met dagiti 37 nga inbidwal kadagiti nailista a pimmusay gapo kadagiti didigra: lima kadakuada ket beripikado ken 32 iti madama paylaeng iti balidasyon da.
Nakailista ti NDRRMC ti agdagup 108,375 a a naadael a babbala ditoy Ilocos Region, idiay Cagayan Valley, Cordillera Administrative Region, Central Luzon, CALABARZON, MIMAROPA, Bicol Region, Western Visayas, Negros Island, Central Visayas, Zamboanga Peninsula, Northern Mindanao, Davao Region, SOCCSKSARGEN, CARAGA, ken BARMM.
