Nagpakdaar iti maysa a nangato nga opisyal ti United Nations a mabalin nga agtungpal ti kabaroan a humanitarian crisis ti military plan ti Israel a sakopen ti intero a Gaza City.
Segun kenni UN Assistant Secretary General Miroslav Jenca manipud iti meeting ti UN Security Council, ti pannakaisayangkat ti nasao a plano ket mangigubuay ti nalawa nga epekto iti rehiyon. Karaman kadagiti dinakamat ni Jenca ket ti forced eviction, pannakatay dagiti sibilyan, ken pannakadadael dagiti imprastraktura.
Naipaawag iti naisangsangayan nga emergency meeting ti Security Council idi ngudo ti lawas kalpasan nga aprobaran ti security cabinet ni Prime Minister Benjamin Netanyahu iti insingasing na a panagsakop.
Nainget met iti panagkondenar dagiti nagduduma a pagilian para iti daitoy a singasing. Maysa ditoyen iti UK a nupay kaalyado ti Israel ket agpakdaar metlaeng para ti posible a panangpabayag ti addang iti tensyon.
Laksid kadagiti pannakadanag, impaganetget ni Netanyahu nga awan met a talaga ti plano da a sakopen ti Gaza ken panggep da laeng a gibusenen iti gyera iti kapartakan a panawen.
