Nakailista manen iti ili ti Bauang, La Union ti kabaroan nga aksidente ti kalsada.
Segun iti Bauang Municipal Police Station, ti aksidente ket mainaig iti Mitsubishi Adventure a minaneho ni Brando Ragusante Ramirez, 37-anyos, addaan asawa, maysa a mekaniko manipud Barangay Magdipa, San Fabian, Pangasinan.
Dupdupagen ni Mr. Brando ti agpa-abagatan a linya idi ginandat na nga ag-overtake usar iti outer lane. Naawanan isuna iti kontrol ken nabaliktad iti minaneho na a kotse ken naidungpar iti gate ken sementado nga alad ni Mr. Edwin Manalang Nobleza idiay Barangay Santiago, Bauang, La Union.
Kas resulta, ni Mr. Brando ken ti sakay na a ni Bryan Lomboy Ragusante ket agpada a nagsagaba ti pannakadunor.
Kinuna met iti witness a ni Crisanta Carbonell Picardal a maymaysa na a magmagna iti igid ti kalsada idi gistayan isunan a nadungpar iti nasao a Mitsubishi Adventure. Idi nalabsan isunan iti lugan ket nakita na amin a napasamak, manipud panag-overtake ti kotse agingga panagbaliktad daitoy ken panagdungpar iti gate ken alad ti maysa a pagtaengan.
Iti agdama ket saan pay a madetermina nu mano iti pakabuklan a perdisyon ti kotse ken iti nadungpar na a gate ken alad bayat nga agpada metten nga agpapaimbag dagiti biktima iti lokal a balay-pagagasan ditoy probinsya.
