Makitkita ita ti Philippine Coast Guard (PCG) ti posibilidad a mausar ti China ti insidente ti dinnungpar dagiti barko idiay Bajo de Masinloc kas pangsuporta ti argumento nga isuda ti addaan ti soverign rights ditoy teritoryo ti Pilipinas a paset met ti kabaybayan ti West Philippine Sea.
Segun kenni PCG Spokesperson for the West Philippine Sea Commodore Jay Tarriela, nalaing ti China iti panangiruar ti kabukbukodan da a bersyon ti storya kasta met ti panangbaliktad ti kinaagpaysu isu a manmanman a kadagiti sumaganad nga aldaw ket adda manen iti panangallilaw da seknan ti napasamak nga insidente.
Kas maibasar metten kadagiti naglabas a waragawag ti China, nalaing da pay a mangpabasol kadagiti sabali a nasyon imbes nga aklonen ti nagkurangan ken pagsungbatan ti pagilian da.
Impaganetget ni Tarriela a kapigsaan a panglaban ken pangkontra kadagiti argumento ti China ket ti panangibinglay ti kinapudno, suportado kadagiti videos ken ladawan ti pudno a napasamak, nu kasta ket maliklikan ti saan nga umiso nga impormasyon mainaig iti panaglaban ti Pilipinas kadagiti ilegal a presensya dagiti Chinese Coast Guards.
Laksid ti manangallilaw a taktika ti China ket nagtignay ni Tarriela nga awanen ti makaabak pay iti kinapudno nga iruar da tapno mapasingkedan dagiti illegal ken dangerous maneuvers dagiti barko ti China.
Kabayatanna, agtaltalined latta dagiti PCG vessels idiay Bajo de Masinloc tapno mangipadanon ti ayuda kadagiti mangngalap, kas iti fuel subsidy para iti nasayaat nga operasyon ti iti nasao a kabaybayan.
Impasiguro pay ti PCG nga tuloy latta iti panagbantay da iti kinatalged ken seguridad dagiti lokal a mangngalap nu kasta ket makatrabaho da a nasayaat ti uneg dagiti territorial waters ti Pilipinas.
