Inarestar ti National Bureau of Investigation – Central Visayas (NBI-7) dagiti dua a Chinese-Malaysian nationals idiay Cebu City gapo iti panagespiya ditoy Pilipinas usar dagiti high-technology electronic devices.
Dagiti suspek a nabigbig nga isuda Yee ken Tan ket naarestar kasaruno ti naawat ti NBI a report manipud ti maysa nga housekeeping attendant ti hotel a nakakita kadagiti mapagduaduaan nga alikamen iti kuwarto dagitoy, pakairamanan dagiti laptops, Raspberry Pi units, antennas, ken modular setups.
Natakuatan dagiti eksperto manipud Department of Information and Communications Technology (DICT), Cybercrime Investigation and Coordinating Center in the Philippines (CICC), ken National Telecommunications Commission (NTC) a dagitoy ket data sniffers — alikamen a kabaelan ti ag-intercept kadagiti iimpormasyon manipud kadagiti cellular phones nga agingga 5G networks. Kaadwan kadagitoy nga devices ket kasapulan pay iti panangaprobar iti NTC sakbay a mausar.
Iti agdama ket mangisagsaganan dagiti otoridad ti maiyannatop a kaso kontra kadagiti dua babaen ti Cybercrime Prevention Act of 2012 (RA 10175) bayat a maipasidong met ti forensic analysis dagiti narekobre nga alikamen pang-espiya.
