Sanib-pwersa ita ti Department of Social Welfare and Development (DSWD) ken ti Technical Education and Skills Development Authority (TESDA) para ti panangipaay kadagiti trainings kadagiti sigud a miembro ti Pantawid Pamilyang Pilipino Program wenno 4Ps.
Maiyannurot daitoy iti direktiba ni Presidente Ferdinand R. Marcos Jr. a tulongan a aipangato ti kaledad ti panagbiag dagiti marigrigat a pamilyang Pilipino babaen ti panangipaay kadagiti napanpanawen a skill-based development programs kadagitoy.
Maibasar iti pinermaan a katulagan dagiti dua nga ahensya ket mangipaay da kadagiti libre a skills training ken sertipikasyon kadagiti mapili a 4Ps graduates. Dagiti benepisyaryo ti programa ket dumalan pay iti naan-anay a balidasyon manipud met ti DSWD.
Panggep daitoy a matulongan dagiti pamilya nga aggraduar iti cash grant program a maisagana ti biag da iti tay-ak ti panagnegosyo.
Dumanon met iti 1.8M households ti manamnama nga agturpos ti 4Ps program tawen 2026. Karaman iti nasao a bilang dagiti nasurok maysa a milyon nga senior high school graduates nga agtrabaho wenno ituloy iti panagadal da.
