Natay dagiti lima a tattao kasta met a nadundunor dagiti siyam a sabali pay kalpasan ti aksidente idiay probinsya ti Tarlac.
Segun kenni Police Lieutenant Colonel Ranier Mercado, hepe ti kapulisan idiay Tarlac, naawanan ti kontrol ti driver ti closed van idi kalman, Agosto 12 ken naidungpar iti alad ti kawatiwatan ti Central Luzon Link Expressway.
Puro trabahador manipud Caloocan City dagiti biktima nga agturong kuma idiay Cabanatuan City, Nueva Ecija. Karaman ti drayber kadagiti nadunor iti insidente ken naiturong da amin iti maysa a lokal a pagagasan.
Iti agdama ket agtultuloy paylaeng iti imbestigasyon dagiti otoridad nu adda pay iti nagbiddut idi nasao nga aksidente.
