Dismayado ni Presidente Ferdinand Marcos Jr. kadagiti nadiskubre a problema kadagiti flood control projects idiay Bulacan, kalpasan iti insayangkat na nga inspeksion particular idiay Calumpit ken Barangay Frances.
Iti nagbalin nga assessment ti Presidente, dinakamat na dagiti abot-abot a dike a rumbeng ket buo ken iti agarop 200 metro a revetment ti proyekto a saan pay a nalpas, idinto ta nakailanad iti report a nakumpleton daytoy.
Impasukimat pay ni Presidente Marcos kadagiti scuba diver iti flood control projects ken natakwatan a nagaburan ti napuskol a silt dagiti pader iti uneg ti concrete slope protection isuta saan a makita no addaan pay ti sheet piles. Saan met a nakadikket iti beam iti aniaman a sheet pile support ken nalawag iti espasyo daytoy – nga iti rumbeng ket agdikket tapno masigurado a nalagda iti istruktura.
Kadagiti nakita a problema ti Presidente ket dawatan da ti palawag iti St. Timothy Construction Corporation seknan iti River Protection Structure idiay Calumpit, Bulacan ita nga aldaw.
Iti St. Timothy Construction Corporation ket Top 3 manipud kadagiti 15 a kompanya a nakaala ti kaaduan a flood control project contract iti gobierno.
Malaksid idiay Calumpit ken tinurong met ni Presidente Marcos iti Barangay Frances ken napansin na iti semento ti proyekto a naimpis ken saan a patas, kasta met dagiti bakal nga landok ket saan a nakakali iti daga.
Maysa pay kadagiti nadillaw ti Presidente ket amin a flood control projects ket addaan ti dredging ken distillation ngem iti dakdakameten dagiti local nga opisyal ken awan ti nakita da a kastoy kadagiti lugarda.
Nalawag a saan nga agpada iti resulta ti P96 million gatad ti proyekto a nakasurat a description daytoy iti papel ken iti kontrata a binayadan ti gobierno.
Dakkel iti pondo a nailatang para kadagiti flood control projects isuta saan pulos a mapanunot ti Presidente no apay ta kastoy ti nagbalinan dagiti nasao a proyekto.
Sinigurado ti Presidente nga agsungbat dagiti contractor ken opisyal a karaman iti proyekto.
Iti datos ti DPWH, iti Bulacan ket addaan ti 668 flood control projects nga aggatad ti P6.5 billion ken iti rehabilitasyon ti River Protection Structure ket aggatad ti P96.4 million.###
