Nagresponde dagiti kameng ti Agoo Municipal Police iti tawag ti 911 kasaruno iti komosyon idiay Barangay San Joaquin Sur, Agoo, La Union.
Nadanonan dagiti operatiba iti lugar iti reportee a nabigbig ti nagan a Josephine Bilan, 54-anyos, single, residente metlaeng iti nasao a barangay a nagkuna nga isuna ket nadangran kasaruno iti panagsingir na iti renta ti ipapaabang na a balay.
Maibasar iti imbestigasyon, singsingiren iti biktima iti tenant na a ni Cristina Gandeza, 60-anyos, maysa a balo. Kiniddaw daitoy a mapawaywayan iti panagbayad na ti renta, a ti orihonal a petsa ket Agosto 14 a maiyakar ti Agosto 18, ken nagkiddaw manen a maiyakar agingga Agosto 20.
Nagbalin a nabara ti diskusyon dagiti dua agingga a nagbalinen a komosyon kasaruno a ngimmato ti boses iti agsingsingir a ni Cristina. Iti dayta a kanito ket nasuron ti anak na a ni Joie Allen Gandeza ken binarsak na isuda a dua ti galon ti mineral water.
Immuna a natirwan ket ti ulo ti ina na ken ti maikadua a panangibarsak na ket natirwan met iti makin-kannigid a saka ti agrekreklamo a ni Josephine, banag a nakasugatan daitoy.
Kalpasan ti insidente ket agpapada metlaeng a naiturong idiay La Union Medical Center dagiti partido para iti medikal a pannakataming kasta metten iti umno nga imbestigasyon ken umiso a disposisyon.
