Sinukimat ti FBI iti pagtaengan ti sigud a security adviser ni US President Donald Trump a ni John Bolton.
Ni Bolton ket nagserbi iti umuna a termino ni Trump ket nagbalin a kritiko na iti maikadua a termino.
Nagturong dagiti FBI iti balay ni Bolton idiay Bethesda, Maryland ken iti opisina na idiay Washington DC.
Pinasingkedan daytoy ti FBI, kenuna a birbiruken da dagiti classified documents nga inwaragawag ni Bolton idi isuna ket nakiuman iti media. Saan metten nga inbaga dagiti FBI no anya dagiti nasao a dokumento.(Bombo Emil John Panelo)
