Itantandudo ti Department of Agriculture (DA) ti plano a mangipasubli ti kadagiti sumagmamano a bileg ti National Food Authority (NFA) babaen ti panangamyendar ti agdama a Rice Tariffication Law (RTL) tapno maaramidan ti ahensya a maiyuwat ti talaga a mandato na iti panangpasiguro ti seguridad ti taraon ditoy pagilian, patikular iti bigas.
Nupay kasta, kinun ni Agriculture Secretary Francisco Tiu Laurel Junior a ti importasyon ti bigas ket agtalinaed latta a bileg dagiti pribado a sektor tapno mapagtalinaed iti patas a kompetisyon iti merkado ken maliklikan ti potensyal a kontrol ti gobierno iti presyo.
Innayon na met a nupay ti pribado a sektor ti addaan bileg iti importasyon, kasapulan da met a tungpalen ti responsibilidad da a pagtalinaeden nga umdas ti reserba ti bigas ditoy pagilian nangruna kadagiti kanito a kasapulan la unay kas nu adda dagiti agduprak a didigra.
Babaen iti singasing a sistema, dagiti naangkat a bigas ket nasken a sumurot ti maysa a controlled model a kas iti impatungpal a sugar import program ti Sugar Regulatory Administration (SRA).
Gapo iti daitoy ket dagiti laengen kwalipikado nga importers ti maikkan ti alokasyon nga intuding ti DA ken NFA tapno masiguro ti kredibilidad da a para iti responsibilidad.
