Inikkat ti Constitutional Court ti Thailand ni Prime Minister Paetongtarn Shinawatra gaputi ‘ethics violation’, kalpasan ti maysa tawen a panagtakemna.
Ni Paetongtarn iti kaubingan a Prime Minister idiay Thailand ken maika-innem a lider a nagtaud wenno supsuportaran ti bilyonaryo a Shinawatra family nga inikkat ti militar wenno ti Korte iti kangitingitan ti dua dekada a susik dagiti elites ti pagilian.
Segun ti Constitutional Court, linabsing ni Paetongtarn iti ethics gapo iti maysa a nag-leaked a telephone call ken nagparang a napakumbaba daytoy iti sigud a mangidadaulo ti Cambodia a ni Hun Sen, iti kangitingitan ti tension a mabukbukel ti border dagiti dua a pagilian. Kalpasan ti sumagmamano a lawas, timpuar iti gubat a nagbayag ti lima nga aldaw.
Iti desisyon a 6-3, imbaga ti korte nga impangruna ni Paetong tarn iti pribado nga interest na sakbay ti pagilian a nakadadael ti reputasyon ti pagilian ken panakapukaw iti panagtalek ti publiko.#
