Nangisayangkat ti Operation Timbangan activity ti Department of Trades and Industry La Union Monitoring Team babaen ti Consumer Protection Division, kabinnulig dagiti miembro ti Local Price Coordinating Council idiay merkado publiko ti Agoo, Santo Tomas, ken Bauang, La Union.
Nainspekyon iti aktibidad ti pakabuklan a 225 weighing scales idiay Agoo, 69 idiay Santo Tomas, ken 239 met a timbangan idiay ili ti Bauang.
Manipud kadagitoy a bilang ket lima iti natakuatan a timbangan nga addaan iti depekto na idiay ili ti Agoo, innem idiay ili ti Santo Tomas, bayat a 17 met idiay Bauang.
Dagos dagitoy a kinumpiskar dagiti lokal a gobierno ti nasao a munisipalidad tapno saanen a makagundaway pay kadagiti konsyumers.
Panggep ti aktibidad iti panag-monitor kadagiti palso a timbangan ken ipasiguro ti panagsurot dagiti establishimiento kadagiti nagduduma a Fair-Trade Laws kontra iti manangallilaw a panaglako.
Kabayatanna, imanmandar ti Republic Act 11706 wenno ti Timbangan ng Bayan Act ti tunggal establishimiento ti kaadda ti Timbangan ng Bayan Centers iti pampubliko ken pribado a merkado tapno makaipaay kadagiti konsyumers ti wagas a mangberipikar nu umiso metlaeng ti kadagsen dagiti ginatang da.
Ti saan nga agtungpal kadaitoy a paglintegan ket mabalin a sumango ti multa manipud P50K agingga P300K, pannakaibalud ti maysa agingga lima a tawen, wenno agpada; kasta met a ti maulit-ulit a panaglabsing ket agresulta iti kanselasyon iti business permit.
Courtesy: Department of Trades and Industry La Union
