LA UNION – Naarestar iti maysa a construction worker babaen ti insayangkat a buy-bust operation ti Aringay Municipal Police Station idiay San Benito Norte, Aringay, La Union.
Nabigbig iti suspek nga agtawen ti 24 ken residente ti Sto. Rosario West iti kapada nga ili.
Natiliw daytoy gapo iti panaglako na ti maysa a sachet a naglaon ti mapapati a shabu iti undercover operative. Nakumpiskar pay manipud iti ikot na dagiti dua a sachet a mapapati met laeng a shabu, mapatta-patta nga agdagsen ti maysa gramo, ken agbalor ti P6,800; kasta met dagiti non-drug evidence a P500 a naaramat kas buy-bust money, coin purse, cellphone, ken maysa a motorsiklo.
Naiganuat met iti markings ken inventory iti mismo a nakaisayangkatan ti operasyon ken iti imatang dagiti elected barangay officials ti San Benito Norte, NPS representative, ken media representative.
Nairekord iti operasyon babaen ti alternative recording device.
Kalpasan ti panakatiliw ti suspek, naiturong daytoy iti Agoo medical Center para iti pisikal nga eksaminasyon, sakbay a naipaima iti Aringay Municipal police station.//Report by Bombo Lorielyn Llavore
