Agtalinaed a nakaalerto ti Department of Information and Communications Technology para inton bigat, aldaw ti Dominggo, Setyembre 21.
Mainaig paylaeng daitoy ti manamnama a panangisayangkat dagiti nagduduma a grupo kadagiti nalawa a rally wenno demonstrasyon seknan ti korapsyon, partikular kadagiti maanomalya a flood control projects.
Kinuna ni DICT Secretary Henry Rhoel Aguda, naka-heightened alert dan kasta met a naka-monitor ‘online’ tapno mabantayan ti aniaman a klase ti online harm. Impasiguro na a pagtalinaeden da nga agbalin a nakapia ti pisikal ken online a demokratiko a panangiwaragawag dagiti umili kadagiti karirikna da.
