Naka-heightened alert inton bigat iti Department of Information and Communications Technology kagiddan dagiti manamnama a tignay-protesta kontra korapsion.
Segun kenni Secretary Henry Rhoel Aguda, panggep ti daytoy nga addang a mabantayan dagiti aniaman nga ‘online harm’ wenno ‘online threat’ a posible a pagtaudan ken makaapektar kadagiti maisayangkat a rally.
Saan met a kinontra ni Aguda iti nawaya a panangiwaragawag ti umuli dagiti kaririknada maipanggep iti isyu.
Impasigurado ti sekretaryo nga aktibo iti maisayangkat a panagbantay pakairamanan ti Threat Monitoring Center ti Cybercrime Investigation and Coordinating Center.
Iti agdama, awan pay ti makitkita na a pangta wenno online harm ken threat mainaig iti rally inton bigat ken maibasar iti monitoring daytoy kadagiti social media platforms, kinakappia iti kiddaw ken kadawyan a panawagan dagiti netizens.###
