Nasentensyaan ti bitay ti sigud nga Agricultural Minister ti China gapo iti korapsiyon.
Manipud iti desisyon ti People’s Court of Changchun sadiay northeast Jilin province, imbatad ti korte nga immawat ni sigud nga Agricultural Minister Tang Renjian iti suhol a kwarta ken sanikua nga aggatad ti 268-M Yuan wenno katupag ti $38-M kadagiti nagbaetan ti tawen 2007 ken 2024.
Kinuna ti korte a nagresulta ti nasao a panagsuhol ti nakaro a pannakapukaw ti interes ti estado ken kadagiti umili da ken garantisado a ti kastoy a nagbasolan ket pakaibatugan ti bitay.
Kabayatanna, inaklon met ti sigud a top official ti naaramid na a krimen ken impadanon na kadagiti umili ken gobierno ti napalaos a panagbabawi.
Ti panagsentensya kenni Tang ket napabaro ken strikto a panangimplemetar ni Chinese President Xi Jinping kontra korapsyon a nakabitayan metten dagiti sumagmamano a nangangato nga opisyales ti China.
