Uppaten a tattao ti pimmusay gapo iti napasamak a pammaltog ken pananguram iti Church of Jesus Christ of Latter-day Saints sadiay Grand Blanc Township, Michigan.
Walo pay nga indibidwal dagiti nadundunor iti krimen nga inawagan ti Federal Bureau of Investigation (FBI) kas “act of targeted violence”.
Nabigbigen ti suspek iti nagan a Thomans Jacob Sanford, 40-anyos manipud iti kabangibang nga ili ti Burton. Napatay metlaeng isuna dagiti otoridad gapo iti pannakaraut na iti parking lot ti simbaan.
Nasebseban mga nga insigida ti apoy ngem agingga ita ket blanko paylaeng dagiti imbestigador ti motibo ti suspek.
Sakbay iti krimen ket indungpar pay ti suspek ti lugan na iti arwangan ti simbaan kabayatan ti maisaysayangkat a church service. Kalpasanna ket dita na metten a pinalpaltogan dagiti agsimsimba ken intensyonal na pay a pinasgedan ti pasdek babaen ti gasolina nga imet na.
