Impasigurado ti Malacañang iti madagdagos a tulong para kadagiti kailian a nakaro nga naapektaran ti 6.9 magnitude a ginggined idiay Cebu.
Segun kenni Presidential Communications Office Secretary Dave Gomez, nakasagana iti calamity fund ti Department of Budget of Management manipud ti National Disaster Risk Reduction Fund.
Agtultuloy iti damage assessment kadagiti lugar a nadayyeg ti napigsa a ginggined.
Saan met a maibaga no kasano kaadu iti pondo nga iruar ti DBM, ngem segun kenkuada ket adda ti P8 billion standby fund para iti quick response effort ti gobierno.
Iti agdama, amin a resources ti gobierno ket pinagtignay ti Presidente.
Impasiguradona a maipaayan ti tulong dagiti apektado nga local government units, ken whole-of-government approach iti sistema nga ipatpatungpal ti gobierno.
Nakatuding met a sumarungkar ni Presidente Ferdinand Marcos Jr. iti ground zero ita nga aldaw.###
