Pinasingkedan ti Presidential Communications Office (PCO) a nainget a bantayanda iti panagwaras dagiti palso a damag mainaig iti 6.9 magnitude earthquake idiay Cebu.
Segun kenni Presidential Communications Office (PCO) Secretary Dave Gomez, nainget iti direktiba kenkuada a siguradoen nga umiso ken updated iti impormasion a maidanon kadagiti umili kangrunaan dagiti mailislista nga aftershocks, tapno saan a maalarma iti publiko.
Nabilin pay iti opisina a siguraduen nga amin nga aramiden ni Presidente Ferdinand Marcos Junior ken dagiti cabinet secretaries maipapan iti panangsungbat iti ginggined ket makadanon iti publiko iti umno a panawen.###
